Xülasə

Azərbaycanın dövlət neft şirkəti SOCAR İsrailin “Union Energy” şirkəti ilə Aralıq dənizinin ən böyük qaz yataqlarından biri olan Tamarda 10%-lik payın alınmasına dair müqavilə imzalayıb.

   “Bu addım SOCAR-ın Aralıq dənizi regionunda kəşfiyyat və hasilat layihələrinə investisiyalarının başlanğıcını göstərir” – Azərbaycan dövlət şirkətinin saytında qeyd edilir.

Tamar yatağı bir çox digər şəhər və kəndlər kimi 1948-ci ildə İsrail hərbçiləri tərəfindən zəbt edilmiş işğal altındakı Askalan şəhərindən 24 km qərbdə yerləşir. Bu hadisələr yüz minlərlə fələstinlinin evlərini tərk etməyə və qaçqın vəziyyətinə düşdüyü Nəkbə və ya “Fəlakət” kimi tanınan daha geniş bir fenomenin bir hissəsi oldu.