Əgər olmasaydı Zeynəb...

Şair: Mirağa Dadaş
Məclisi-Üns Ədəbi Birliyi təqdim edir

Kərbəla çıxardı yaddan, əgər olmasaydı Zeynəb
Heç nə qalmazdı o addan, əgər olmasaydı Zeynəb

Nə Muhərrəmi bilərdik, nə bir ərbəin görərdik
Aşura günü gülərdik, əgər olmasaydı Zeynəb

Ümmət İslamı atardı, haqqı batilə qatardı 
Xabi-qəflətdə yatardı, əgər olmasaydı Zeynəb

Əhli - həqqi bilməz idik, əhli - həqqi görməz idik,
Haqq yolunda ölməz idik, əgər olmasaydı Zeynəb

Zülm ilə vuruşmaz idik, heç ayağa qalxmaz idik,
Kaxi-zülmi yıxmaz idik, əgər olmasaydı Zeynəb

Nə Əbəlfəzi tanırdıq, nə Ələsğərə yanırdıq,
Hamısın yalan sanırdıq, əgər olmasaydı Zeynəb

Seyyid həqqi bilməz idi, həqq üçün dikilməz idi,
Ona təb də gəlməz idi, əgər olmasaydı Zeynəb.